P68,000 halaga ng shabu nasabat sa Dumaguete City, Negros Oriental
Arestado ang isang drug suspect sa isinagawang operasyon sa Dumaguete City, Negros Oriental Linggo ng umaga.
Ayon sa Philippine Drug Enforcement Agency – Central Visayas (PDEA RO7), sa bisa ng search warrant, ikinasa ang operasyon sa bahagi ng Purok Madasigon, Barangay Cantil-e bandang 7:53 ng umaga.
Nakilala ang naarestong drug suspect na si Filex Bato, 37-anyos.
Nakuha kay Bato ang siyam na pakete ng hinihinalang shabu na nagkakahalaga ng P68,000.
Maliban dito, nakumpiska rin ang isang .22-caliber revolver, apat na bala at isang sling bag.
Masasampahan ang drug suspect ng kasong paglabag sa Sections 11, Article 2 ng Republic Act 9165 at Republic Act 10591.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.