Kontrata para sa konstruksyon ng $728-M airport railway express service, nilagdaan na ng DOTr
Malapit nang magsimula ang konstruksyon ng kauna-unahang airport railway express service.
Ito, ayon sa Department of Transportation, ay matapos lagdaan ang kontrata para sa unang dalawang contract packages o ang PNR Clark Phase 2 (Malolos-Clark) segment ng North-South Commuter Railway (NSCR) Project.
Pinangunahan ni Transportation Secretary Arthur Tugade ang virtual signing ng kontrata para sa 53- kilometer extension na magiging daan upang maging isang oras na lamang ang biyahe mula sa Makati City patungong Clark International Airport sa Pampanga.
Sabi ni Tugade, ang paglagda sa kontrata ay patunay na tuluy-tuloy ang mga flagship projects ng pamahalaan sa ilalim ng BUILD, BUILD, BUILD program sa kabila ng COVID-19 pandemic.
“While the critics have expressed doubts, skepticisms, and discouragement, we will give the people hope, confidence, and assurance through concrete actions and actual work”, saad ni Tugade.
Iginiit pa ni Tugade, “Since the NSCR will feature the country’s first airport express train service allowing travelers to get from Makati to Clark Airport in under one hour, we can consider it as a trail-blazing project. To achieve this, trains will run at 160 kilometers per hour, making it one of the fastest modes of land public transportation.”
Nasa $728 million ang proyekto na pinondohan ng Asian Development Bank.
Kapag naging partially operational sa 2022, ang PNR Clark Phase 2 na mayroong 53-kilometer rail line segment ay kokonekta sa Malolos, Bulacan patungong Clark International Airport at mababawasan ang travel time patungo sa 30 hanggang 35 minutes mula sa kasalukuyang isang oras at kalahati.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.