Search and rescue ops, ikinasa ng PCG para sa nawawalang mangingisda sa Zambales
Nagkasa ang Philippine Coast Guard (PCG) ng search and rescue (SAR) operations kasunod ng nawawalang mangingisda sa Zambales.
Bandang 5:00, Biyernes ng hapon (July 31), nakatanggap ng ulat ang PCG Station – Subic na nawawala ang mangingisdang si Luz Piliin, 42-anyos, sa karagatang sakop ng Bajo de Masinloc.
Hindi na kasi nakabalik si Piliin matapos tignan ang huhulihing isda gamit ang maliit ng bangka.
Hinala ng mga kapwa-mangingisda sa FB Renz Ronel, posibleng nakaranas si Piliin ng malakas na alon at hangin.
Sinubukan pa siyang hanapin ng iba pang mangingisda ngunit hindi ito natagpuan dahil sa sama ng panahon.
Agad namang nai-deploy ang BRP Malabrigo (MRRV-4402) nang bumuti ang lagay ng panahon para sa SAR team.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.