MRT nag-abiso na rin ng tigil-operasyon simula bukas, Aug. 4

Nagpaabiso na rin ng tigil-operasyon ang MRT-3 simula bukas Aug. 4.

Kasunod ito ng deklarasyon ni Pangulong Rodrigo Duterte na muling isailalim sa Modified Enhanced Community Quarantine (MECQ) ang Metro Manila at ilang kalapit na lalawigan.

Sa abiso ng MRT-3, tatagal hanggang August 18 ang tigil operasyon.

Pinapayuhan ng DOTr MRT-3 ang lahat ng commuters na manatili sa kani-kanilang bahay at iwasan ang paglabas.

Ito ay bunsod ng mas mahigpit na seguridad na ipatutupad sa pag-iral ng MECQ.