Barangay 132 sa Caloocan, isang linggong isasailalim sa lockdown
Isinailalim sa total lockdown ang isang barangay sa Caloocan.
Batay sa emergency meeting na pinangunahan ni Mayor Oca Malapitan, napagdesisyunang isailalim sa total lockdown ang Barangay 132.
Ito ay bunsod ng patuloy na pagtaas ng bilang ng mga kaso ng COVID-19 sa nasabing lugar.
Epektibo ang lockdown simula 12:01, Linggo ng madaling-araw (August 2) hanggang 11:59, Sabado ng gabi (August 8).
Sa datos ng City Health Department, umabot na sa 36 ang COVID-19 sa nasabing barangay.
Tiniyak naman ng Caloocan City government na tuluy-tuloy pa rin ang isinasagawang contract tracing.
Bibigyan din anila ng relief packs ang mga apektadong residente.
“Araw-araw ang ating pagmomonitor sa mga kaso ng COVID-19 sa bawat barangay. Ginagawa natin ang lahat ng makakaya para mapabilis ang contact tracing upang mapigilan ang pagkalat ng virus,” pahayag ng alkalde.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.