Heavy rainfall warning nakataas sa Pampanga, mga bayan sa Zambales
Nagtaas ng heavy rainfall warning ang PAGASA sa lalawigan ng Pampanga at ilang mga lugar sa Zambales.
Sa inilabas na rainfall warning ng PAGASA alas 8:00 ngayong umaga ng Huwebes (July 30) yellow warning ang umiiral sa lalawigan ng Pampanga at sa mga bayan ng San Antonio, Olongapo, Subic, Castillejos, San Narciso at San Marcelino sa Zambales.
Ito ay dahil sa nararanasang malakas na buhos at tuluy-tuloy na pag-ulan sa nasabing mga lugar.
Ang pag-ulan ay dulot ng Low Pressure Area at Habagat.
Pinapayuhan ang mga residenteng nasa mabababang lugar na maging maingat sa posibleng pagbaha.
Maari ding magdulot ng landslides ang malakas na ulan sa mga bulubunduking lugar.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.