Foreign Affairs Sec. Teodoro Locsin, counterpart nito na si Malaysian Foreign Minister Hishammuddin Hussein tuloy ang sagutan sa Twitter

Tumitindi ang tensyon sa pagitan nina Foreign Affairs Sec. Teodoro Locsin Jr., at counter part nito sa Malaysia na si Malaysian Foreign Minister Hishammuddin Hussein.

Matapos sabihin ni Hussein na ipatatawag sa Ministry Office para pagpaliwanagin ang ambassador ng Pilipinas ay may sagot muli sa kaniyang Tweet si Locsin.

Sa kaniyang panibagong Tweet sinabi ni Locsin na “historical” at “factual” ang kaniyang pahayag na ang Sabah ay hindi pag-aari ng Malaysia.

Ibinunyag pa ni Locsin na sinubukan noon ng Malaysia na harangin ang Arbitral Awards sa Pilipinas sa usapin ng West Philippine Sea o South China Sea.

Base aniya ito sa ulat ng mga diplomat ng Pilipinas at German lawyer ng bansa.

Magugunitang sinabi ni Hussein na ipatatawag nito at pagpapaliwanagin ang ambassador ng Pilipinas matapos sabihin ni Locsin na ang Sabah ay hindi sa Malaysia.