Dapat maging cue na kay Department of Education Secretary Leonor Briones ang naging pahayag ni Pangulong Rodrigo Duterte sa kanyang State of the Nation Address upang ipagpaliban ang pagbubukas ng klase.
Sabi ni Ang Probinsyano Rep. Ronnie Ong, sa halip na kaagad muling magbalik ang pasok ng mga mag-aaral kailangang maging handa muna ang mga guro at mag-aaral sa new normal ng blended learning.
“Resume instead when every learner and every teacher is equipped with the new normal of blended learning”, pahayag ni Ong.
Paliwanag nito, kailangan ng mga mag-aaral ang access sa internet lalo na ang mga nasa remore areas.
Hindi anya maaring magsimula ang pasok kung aasa lamang sa internet.
Bukod dito sabi ni Ong, hindi maaring umasa ang pamahalaan sa mga private companies na magtayo ng mga towers dahil sa iisipin ng mga ito ang balik ng kanilang mga puhunan.
“Access to internet by every learner, especially those in remote areas, is yet to be ensured and established. We cannot resume classes relying on online learning without ensuring they have access to internet. Moreover, we cannot rely alone on private companies to invest on internet towers, as they themselves focus first on returns of their investement”, saad ni Ong.
Giit nito, dapat mag invest ang gobyerno sa mga imprastraktura para sa maayos at mabilis na access sa internet connection.
Sabi pa niya, “Our government should start investing on infrastructures as well for better, faster, and accessible internet connection and telco sites to equip our learners and teachers for online distance learning”.
Samantala, ayon kay Ong, masaya siya dahil sa narinig sa pangulo kung ano ang plano nitong gawin para makayanan ng bansa ang COVID-19 pandemic.
Dagdag pa ni Ong, “I am still happy that President Duterte provided us with fresh insights on what the government intends to do so that we can all survive this corona virus pandemic. It provides us a glimpse of the government’s template on how to jumpstart the economy and provide support for our people.
Medyo nabuhayan tayo ng loob sa gitna ng krisis na ating nararanasan sa ngayon”. /