Baguio City, nadagdagan pa nang tatlong COVID-19 cases

Napaulat ang tatlo pang kaso ng COVID-19 sa Baguio City.

Sa huling datos hanggang 4:00, Lunes ng hapon (July 27), umabot na sa 98 ang confirmed COVID-19 cases.

Sa nasabing bilang, 45 ang aktibong kaso.

Kabilang sa mga bagong naitalang kaso ay ang mga sumusunod:
– 22-anyos na babae mula sa Mew Lucban
– 18-anyos na babae mula sa Irisan
– 45-anyos na babae mula sa Bakakeng Sur

Tatlo rin ang napaulat na gumaling sa nasabing lugar.

Dahil dito, 51 na ang total recoveries sa COVID-19 sa Baguio City.

Nasa dalawa naman ang COVID-1O related deaths.

Samantala, lumabas din sa datos na 223 pa ang active suspected cases habang 1,522 na ang naka-recover.