4 patay, 30 sugatan sa shooting incident sa Kansas

Hindi bababa sa apat ang nasawi at 30 ang nasugatan sa insidente ng pamamaril sa isang pabrika sa Kansas.

Ayon kay Harvey County Sheriff T. Walton, isang dating empleyado ng lawnmower factory na “Excel Industries” ang bigla na lamang namaril.

Kasama sa bilang ng nasawi ang gunman na nabaril ng mga rumespondeng otoridad.

Sa pahayag ng mga testigo, nakita ang gunman sa parking lot ng pabrika bago pumasok sa pasilidad at saka nagpaputok ng baril.

Inaalam na ng mga otoridad kung ang nagtulak sa suspek para gawin ang krimen.