Ayon sa Volcano Bulletin ng Phivolcs na inilabas ngayong araw (July 27), nakapagtala din ng mahinang pagbubuga ng steam-laden plumes na umabot sa 400 meters ang taas.
Kahapon July 26 ang sulfur dioxide mula sa Bulkang Kanlaon ay nasukat sa average na 723 tonnes/day.
Nananatili sa alert level 1 ang Mt. Kanlaon na nangangahulugang hindi pa rin normal ang kondisyon nito.
Paalala ng Phivolcs sa lokal na pamahalaan bawal pa rin ang pagpasok sa 4-kilometer radius Permanent Danger Zone (PDZ) ng bulkan.
Inabisuhan din ang Civil aviation authorities na payuhan ang mga piloto na iwasan ang pagpapalipad ng eroplano malapit sa summit ng bulkan dahil maari itong magkaroon ng biglaang phreatic eruption.