Mga pulis maagang ipinakalat sa Batasan Complex at sa Commonwealth Avenue
Maagang ipinakalat sa palibot ng Batasan Complex at sa kahabaan ng Commonwealth Avenue ang mga tauhan ng National Capital Region Police Office.
Madaling araw pa lamang marami nang naka-deploy na pulis sa Batasan Pambansa at sa Commonwealth.
Ito ay para matiyak ang seguridad ngayong araw ng State of the Nation Address (SONA) ni Pangulong Rodrigo Duterte.
Tinatayang aabot sa 6,000 puis ng NCRPO ang ipakakalat ngayong araw.
Simula kahapon naghigpit na ang PNP sa mga checkpoint sa mga lugar na papasok ng Quezon City.
May mga sundalo rin na ipinakalat sa Batasan Pambansa.
Samantala, nagpatupad na ng rerouting sa kahabaan ng Commonwealth Avenue.
Ang mga motorista na patungong Fairvew, dalawang linya na lamang ang nadaraanan simula sa harapan ng UP Colleges of Human Kinetics.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.