High-value target, timbog sa Cebu City; P680,000 halaga ng shabu nasabat
Arestado ang isang high-value target sa ikinasang buy-bust operation ng Philippine National Police (PNP) at Philippine Drug Enforcement Agency (PDEA) sa Cebu City, Biyernes ng gabi.
Ayon sa PDEA Central Visayas (PDEA RO7), isinagawa ang operasyon sa bahagi ng Barangay Basak-Pardo bandang 7:40 ng gabi.
Nahuli sa operasyon ang suspek na si Edwin Villegas Saraosos, alyas Tata, 47-anyos.
Nakatakas naman ang isa pang suspek na si Godofredo Garcia Largo alyas “Jun/Joe.”
Nakuha sa operasyon ang dalawang pack ng hinihinalang shabu na nagkakahalaga ng P680,000, apat na pakete na may bahid ng hinihinalang shabu, ginamit na buy-bust money, isang cell phone, repacking supplies, at ilang drug paraphernalia.
Kasong paglabag sa Article 2 ng Republic Act 9165 ang isasampa laban sa suspek.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.