Ilang lalawigan sa Southern at Central Luzon uulanin sa susunod na mga oras

Makararanas ng pag-ulan sa ilang mga lalawigan sa Southern at Central Luzon.

Sa thunderstorm advisory na inilabas ng PAGASA alas 4:30 ng madaling araw ngayong Huwebes, July 23 katamtaman hanggang sa malakas na buhos ng ulan ang mararanasan sa Rizal at Bataan.

Ganitong lagay na rin ng panahon ang nararanasan sa mga bayan ng Real, Mauban, at Infanta sa Quezon at sa mga bayan ng Paete, Pakil, at Pangil sa Laguna.

Pinapayuhan ng PAGASA ang mga residente sa mababang lugar na maging maingat sa posibleng biglaang pagbaha sa kasagsagan ng malakas na buhos ng ulan.

Maari ring makaranas ng landslide sa mga bulubunduking lugar.