BREAKING: Bilang ng tinamaan ng COVID-19 sa Pilipinas, 72,269

Nadagdagan pa nang mahigit 1,500 ang bilang ng tinamaan ng Coronavirus Disease o COVID-19 sa Pilipinas.

Sa huling datos ng Department of Health (DOH) bandang 4:00, Miyerkules ng hapon (July 22), umabot na sa 72,269 ang confirmed cases ng nakakahawang sakit sa bansa.

Sa nasabing bilang, 46,803 ang aktibong kaso.

Sinabi ng kagawaran na 1,594 ang bagong napaulat na kaso ng COVID-19 sa bansa.

Nasa anim ang napaulat na nasawi.

Dahil dito, umakyat na sa 1,843 ang COVID-19 related deaths sa bansa.

Ayon pa sa DOH, 342 naman ang gumaling pa sa bansa.

Dahil dito, umakyat na sa 23,623 ang total recoveries ng COVID-19 sa Pilipinas.