Bilang ng mga pulis na tinamaan ng COVID-19, 1,600 na

Nadagdagan pa ang bilang ng kumpirmadong kaso ng coronavirus disease o COVID-19 sa Philippine National Police (PNP).

Sa huling datos mula sa PNP (Martes, July 21 6PM) umakyat na sa 1,600 ang kabuuang bilang ng mga tinamaan ng COVID-19.

Sa nasabing bilang ay mayroong 610 na pulis na nakarecover o gumaling na sa sakit.

Ang COVID-19 related deaths ay nanatili sa 9.

Ang bilang ng probable case ng COVID-19 sa PNP ay 727 at 1,767 naman ang suspected case.

Pinayuan ng PNP ang lahat ng kanilang mga tauhan na agad makipag-ugnayan sa PNP Health Service kung makararanas ng sintomas ng COVID-19.