Dalawa pang barangay sa Pasay City, idineklarang ‘COVID-19 critical’
Nadagdagan pa ng dalawa ang bilang ng mga barangay sa Pasay City na idineklarang ‘critical areas’ dahil sa COVID-19.
Sa pahayag ng Pasay LGU, ang nadagdag ay ang Barangay 177, kung saan may 17 kumpirmadong kaso at Barangay 185 na may anim na COVID-19 patients.
Bunga nito, 16 barangay na sa lungsod ang itinuturing na ‘critical areas.’
Kayat muling nanawagan si Pasay City Mayor Emi Calixto-Rubiano sa mga taga-lungsod na huwag balewalain ang basic safety protocols, tulad ng pagsusuot ng mask, pagsunod sa physical distancing at paghuhugas ng kamay.
Dalawang linggo o 14 araw na epektibo ang lockdown sa mga barangay para limitahan ang galaw ng mga residente sa labas ng kanilang bahay.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.