Walang negative swab test result, walang lipad papuntang Davao – Cebu Pacific
Kailangang magpa-swab test na may negatibong resulta ang lahat ng pasahero ng Cebu Pacific na patungo sa Davao City International Airport.
Sa inilabas na pahayag ng CebuPac, hindi papayagan ang mga pasahero na makatuloy sa kanilang biyahe kung resulta lang ng rapid test ang kanilang ipapakita.
Giit ng kumpaniya, ang regulasyon na ito ay itinakda ng mga lokal na awtoridad sa Davao Region.
Hinihikayat din ng CebuPac ang kanilang mga pasahero na alamin ang mga regulasyon ng mga lokal na pamahalaan na kanilang pupuntahan bago ituloy ang kanilang biyahe.
“They may be also be asked to provide their complete addresses prior to travel date. Providing inaccurate information or incomplete requirements may result in denied boarding of the flight,” dagdag paalala pa ng CebuPac.
Bilin din sa mga pasahero na huwag pumunta sa airport kung hindi nakakatiyak sa kanilang flight schedule.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.