Cargo vessel nasunog sa karagatang sakop ng Batangas
Isang cargo vessel ang tinupok ng apoy sa karagatan na sakop ng Batangas.
Sa inisyal na ulat na nakarating sa Philippine Coast Guard, nagliyab ang M/V Moreta Venture sa karagatan ng Marikaban Island.
Wala namang nasaktan sa insidente at ligtas ang lahat ng crew ng barko.
Ayon kay PCG spokesman Commodore Armand Balilo ang PCG Command Center ay nakatanggap ng distress call alas 4:53 ng madaling araw kanina hinggil sa insidente.
Agad namang nakaresponde ang BRP Boracay (FPB-24) sa lugar.
Patuloy pa ang imbestigasyon sa kung ano ang pinagmulan ng sunog.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.