Ikalawang drive-thru testing center sa Maynila itinatayo na
Inumpisahan na ng mga tauhan ng Manila Disaster Risk Reduction and Management Office (MDRRMO) ang pagtatayo ng ikalawang drive-thru testing sa lungsod.
Itatayo ang drive-thru COVID-19 testing center sa Quirino Grandstand.
Ayon kay Manila Mayor Isko Moreno, magdamag nang nagtrabaho ang mga tauhan ng MDRRMO para mabilis na matapos ang ikalawang COVID-19 drive-thru Testing Center.
Sa sandaling mabuksan, libre din ang pagpapa-test residente man o hindi ng Maynila.
“Sa oras po na mabuksan ito sa publiko, inaanyayahan ko po kayo. Hangga’t kaya po, libre toits, walang tosgas. Batang Maynila man o hindi, walang pinipili,” ayon kay Moreno.
Ani Moreno, valid ID lang ang kailangang dalhin para sa nais magpa-test.
Noong Miyerkules naging operational ang unang drve-thru testing laboratory sa Maynila sa Kartilya ng Katipunan malapit sa City Hall.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.