Pamaypay na may tatak na “Mar”, ipinamahagi sa selebrasyon ng ika-30 taon ng EDSA People Power
Sa EDSA 30-People Power Celebration, nakunan ng Radyo Inquirer ang mga mag-aaral na ito na may hawak na pamaypay ni Mar Roxas.
Ipinamigay ang mga pamaypay na ito sa People Power Monument.
Ayon sa mga estudyante ng RTU o Rizal Technological University na dumalo para sa ika-30 anibersaryo ng EDSA People Power Revolution na naka pang PE uniform, required silang dumalo dahil mag che-check ng attendance. Icrecredit umano sa kanilang National Service Training Program o NSTP na tatlong oras.
Isang beses sa isang linggo ginaganap sa mga kolehiyo kapalit ng CAT dati.
Samantala maliban sa mga estudyante, naglipana naman ang mga pamaypay na bitbit ng mga contingent na umanoy padala ng mga LGU’s. Pawang mga mukha ito ni Presidentiable Mar Roxas.
Ang pamaypay na may mukha ni Roxas ay ipinamigay mula sa isang owner type jeep kanina bago magsimula ang tradisyunal na martsa at salubungan.
Nauna rito ay nangako ang mga Edsa People Power Commission na hindi gagamitin sa kampanya at pamumulitika ang selebrasyon.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.