Mas malaking bahagi ng bansa apektado na ng ITCZ

Magdudulot ng kalat-kalat na pag-ulan sa malaking bahagi ng bansa ang intertropical convergence zone.

Sa weather forecast ng PAGASA ngayong araw, ang MIMAROPA, Visayas at Caraga ay makararanas ng maulap na papawirin na may kalat-kalat na pag-ulan at thunderstorms dahil sa ITCZ.

Ang Metro Manila naman at nalalabi pang bahagi ng bansa ay makararanas lang ng bahagyang maulap na papawirin na mayroong isolated na pag-ulan sa hapon o gabi.

Wala namang nakataas na gale warning saanmang baybaying dagat ng bansa.

Wala ring inaasahang sama ng panahon na mabubuo o papasok sa Philippine Area of Responsibility.