Ibinahagi ni Senate President Vicente Sotto III na nagdesisyon na si Pangulong Duterte na nais nitong mag-State of the Nation Adress o SONA sa Batasan Pambansa pa rin sa July 27 sa kabila ng banta ng COVID-19.
Aniya, patuloy ang pag-uusap ng Malakanyang, Senate at House secretariats para magiging galaw sa pang-limang SONA ni Pangulong Duterte.
Ibinahagi ni Sotto sa panig ng Senado, walo silang senador na magtutungo sa Batasan at ito ay sina Senate Majority Leader Juan Miguel Zubiri, Sens. Christopher Go, Ronald dela Rosa, Panfilo Lacson, Pia Cayetano, Sherwin Gatchalian at Francis Tolentino.
Aniya, sa umaga ng Hulyo 27, inaasahan naman niya na aabot sa 12 senador ang nasa session hall para sa pagsisimula ng 2nd Regular Session ng 18th Congress.
Sa mga unang napag-usapan, limitado rin ang bilang ng mga miyembro ng gabinete at Kamara, ang maaring makapunta sa Batasan Pambansa sa SONA 2020.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.