Sa pinakahuling datos, 13,691,627 na ang global cases ng COVID-19.
Ito ay makaraang makapagtala ng mahigit 200,000 na bagong kaso sa magdamag.
Nananatiling ang Estados Unidos ang may pinakamaraming bilang ng kaso na sumampa na 3,616,747 matapos makapagtala ng mahigit 70,000 pang bagong kaso.
Ang Brazil ay nakapagtala ng halos 40,000 bagong kaso habang mahigit 32,000 ang nadagdag sa kaso ng COVID-19 sa India.
Umakyat naman ang South Africa sa pang-walo na sa mga bansa na may pinakamaraming kaso matapos maungusan ang datos ng Spain.
Narito ang bilang ng kaso ng COVID-19 sa iba pang mga bansa:
Brazil – 1,970,909
India – 970,169
Russia – 746,369
Peru – 337,724
Chile – 321,205
Mexico – 317,635
South Africa – 311,049
Spain – 304,574
UK – 291,911