Lockdown sa Navotas City simula na ngayong araw

Nagsimula na alas 5:00 ng umaga ngayong araw (July 16) ang lockdown sa buong lungsod ng Navotas.

Tatagal ang pag-iral ng lockdown sa lungsod hanggang sa alas 11:59 ng gabi ng July 29.

Ayon kay Navotas City Mayor Toby Tiangco punuan na kasi ang mga health at quarantine facilities sa Navotas habang patuloy pa ang pagdami ng kaso ng COVID-19.

Sa ilalim ng pag-iral ng lockdown, ang mga residente sa bawat barangay ay may nakatakdang araw lang para lumabas ng bahay ipang mamalengke o mag-grocery.

Kapag araw ng Linggo, walang papayagan na lumabas dahil ito ay araw para sa pagsasagawa ng disinfection.

24-oras ding iiral ang curfew para sa mga wala pang 18 ang edad.