Isang barangay sa Caloocan, isinailalim sa lockdown

Nakasailalim na sa lockdown ang isang barangay sa Caloocan.

Ayon kay Mayor Oca Malapitan, nasa total lockdown ang Barangay 38 para mapigilan ang pagkalat ng COVID-19.

Ipinaliwanag ng alkalde na layon nitong magsagawa ng mabilis na contact tracing at testing.

Tiniyak naman ni Malapitan na mamamahagi pa rin ng relief goods sa mga residente sa kasagsagan ng lockdown.

Epektibo ang lockdown simula 12:01 ng madaling-araw ng July 14 hanggang 11:59 ng gabi ng July 20.

Batay sa huling datos, 42 na ang tinamaan ng nakakahawang sakit sa nasabing barangay.