Mother tongue-based teaching nais ipa-abolish ng dalawang kongresita
Nais ng dalawang kongresista na alisin na ang mother tongue-based teaching sa Grade 1 hanggang 3 na ipinatutupad ng Department of Education (DepEd).
Sa pagdinig ng House Committee on Basic Education and Culture sinabi ni Baguio City Rep. Mark Go, dapat nang i-abolish ang mother tongue-based teaching lalo na sa mga lugar na may maraming mga dayakekto.
Sabi ni Go, maraming itinuturo sa mga bata pero mukhang hindi naman nakatutulong upang mai-angat ang performance ng bansa sa pagbabasa, Math at Science.
Base anya sa nakalipas na resulta ng Programme for International Student Assessment o (Pisa) ng Organization for Economic Cooperation and Development o (OECD) lumalabas na kabilang ang mga mag-aaral na Filipino sa 79 na bansa na worst ang reading comprehension at ikalawa sa pinakamababa pagdating sa mathematical at scientific literacy.
Sang-ayon naman dito si Deputy Speaker Evelina Escudero sa pagsasabing kailangang bumalik na lamang ang Pilipinas sa paraan ng pagtuturo na gamit ay wikang Filipino o Ingles.
Sabi naman ni DepEd Director III Joyce Andaya, gumagawa na ng konsultasyon ang ahensya at irerekomenda nila sa Kongreso ang pagtanggal o pagpapatupad nito sa mga piling lugar sa bansa.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.