DOH umapela sa mga pagamutan na palawigin ang kanilang alokasyon para sa COVID-19 cases
Hiniling ng Department of Health (DOH) sa mga pagamutan na palawigin ang kanilang intensive care unit (ICU) beds para sa COVID-19 cases.
Kasunod ito ng pahayag ng maraming ospital na puno na ang kanilang COVID-19 wards.
Ayon kay DOH Undersecretary Leopoldo Vega, dapat ang bawat ospital ay mayroong minimum na 30% bed allocation para sa COVID-19 cases.
Mayroon aniyang ilang pagamutan ang hindi ito sinusunod.
Sinabi ni Vega na sa ibang pagamutan, 5% hanggang 10% lang ang alokasyon.
Payo ng DOH sa mga ospital at iba pang health facilities mas mainam kung palalawigin hanggang sa 60% ang COVID-19 bed allocation.
Magugunitang ang malalaking ospital sa Metro Manila ay nagpa-abiso na, na naabot na nila ang full capacity para sa COVID-19 cases.
Excerpt:
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.