Napaslang ang lider ng Foreign and Local Terrorist Organization (FLTO) sa ikalawang araw ng air at ground strike operation ng tropa ng militar sa kuta ng grupo sa Brgy. Bayabao, Butig , Lanao del Sur .
Kinilala ni AFP Western Mindanao Command spokesman Major Filemon Tan, ang napatay na lider ng FLTO na si Omar Maute na nagkukuta sa lugar kasama ang lokal na mga terorista.
Si Maute ay isang Indonesian na umano’y may ugnayan sa Jemaah Islamiyah (JI) terrorist group na naitatag ng Al Qaeda ni Osama bin Laden sa Southeast Asia.
Nitong Martes, sinabi ni AFP Spokesman Brig. Gen. Restituto Padilla na nasa 20 ang napatay na mga terorista kung saan ang grupo ni Maute ay tinatayang may 100 armadong fighters na nakikipagsagupa sa tropa ng gobyerno.
Samantala, dalawang sunadalo naman ang naiulat na namatay at anim na iba pa ang nasugatan sa nasabing bakbakan ng tropa ng militar at ng mga terorista.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.