Cortes, Surigao del Sur niyanig ng magnitude 4.6 na lindol

Niyanig ng magnitude 4.6 na lindol ang lalawigan ng Surigao del Sur.

Ayon sa Phivolcs, naitala ang pagyanig sa 18 kilometers southeast ng bayan ng Cortes, alas-8:59 gabi ng Martes (July 14).

Naitala naman ang sumusunod na intensities:
Intensity 3 – Cortes, Lanuza, at Tandag City, Surigao del Sur
Intensity 2 – Carmen, Surigao del Sur

Naitala rin ang instrumental intensity 1 sa Surigao City, Surigao del Norte

May lalim na 26 kilometers at tectonic ang origin ng pagyanig.

Wala namang inaasahang pagkasira sa mga ari-arian at aftershocks.