Lightning Red Alert, itinaas sa NAIA

Ilang minutong naantala ang operasyon sa Ninoy Aquino International Airport.

Ito ay makaraang magtaas ng lightning red advisory ang PAGASA sa NAIA, 5:13 ng umaga ngayong Lunes (July 13).

Nakaranas kasi ng malakas na buhos ng ulan sa bahagi ng naturang paliparan na may kasamang pagkulog at pagkidlat.

Dahil dito, pansamantalang sinuspinde ang airport operations para sa kaligtasan ng mga crew ng NAIA.

Alas 6:01 naman ng umaga nang ibaba na sa “yellow” ang umiiral na lightning advisory at nag-resume na ang normal na operasyon sa paliparan.