Unang sinabi ng DOH na alas 7:30 ng gabi nito ilalabas ang report na kadalasang inilalabas ng alas 4:00 ng hapon.
Pero bago mag-hatinggabi, inanunsyo ng DOH na hindi na ito maglalabas ng datos para sa araw ng Linggo dahil nagsasagawa pa ito ng pag-validate sa mga datos.
Binanggit na dahilan ng DOH ang mataas na datos na nakalap kahapon.
Resulta umano ito ng mas pinaayos na data gathering sa Metro Manila at iba pang bahagi ng bansa.
Hanggang hatinggabi sinabi ng DOH na patuloy sa pagproseso at pag-validate ng datos ang DOH Data Team.
Sinabi ng DOH na ngayong Lunes (July 13) alas 8:30 ng umaga inaasahan na mailalabas sa publiko ang komprehensibong ulat.