Metro Manila at ilang lalawigan sa Luzon, uulanin sa susunod na mga oras
Asahang makararanas ng pag-ulan ang Metro Manila at ilang lalawigan sa Luzon.
Sa thunderstorm advisory ng PAGASA bandang 1:55 ng hapon, iiral ang katamtaman hanggang mabigat na buhos ng ulan na may kidlat at malakas na hangin sa Metro Manila, Nueva Ecija, Pampanga at Laguna.
Maaapektuhan din ang Capas at Bamban sa Tarlac; Dinalupihan, Bataan; Rodriguez, Rizal; General Nakar, Quezon; San Jose Del Monte at Norzagaray sa Bulacan.
Uulanin din ang Cavite partikular ang Imus, General Trias, Dasmariñas, Indang, Alfonso, Maragondon at General Emilio Aguinaldo; Calaca, Batangas; Zambales.
Sinabi ng weather bureau na posibleng maranasan ang pag-ulan sa susunod na dalawang oras.
Dahil dito, pinag-iingat ang mga residente sa nabanggit na lugar sa posibleng pagbaha o pagguho ng lupa.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.