Mga pasahero ng LRT-1 binawalang magsalita habang nasa loob ng tren

Ipinagbawal ng Light Rail Manila Corporation (LRMC) ang pagsasalita sa loob ng mga tren ng LRT-1.

Sa abiso ng LRT-1, ipinaalala nito sa mga pasahero na ang pagsasalita ay ipinagbabawal sa loob ng tren.

Ayon sa abiso, ang respiratory droplets ang isa sa mga karaniwang sanhi ng pagkalat ng COVID-19.
Dahil dito, hinihimok ng pamunuan ng LRT-1 ang mga pasahero na huwag makipag-usap sa kapwa pasahero sa loob ng tren.

Kailangan ding ugaliin ang pagsusuot ng face mask at paggamit ng alcohol o sanitizer.