Hotel, motel at dormitoryo na nagbigay ng free lodging sa healthcare workers sa Maynila bibigyan ng P100K na tax credit

May P100,000 na tax credit ag mga hotel, motel at dormitoryo na nagbigay ng free lodging para sa mga healthcare workers sa Maynila.

Inanunsyo ito ni Manila Mayor Isko Moreno.

Sa bisa ng City Ordinance No. 8646, binibigyan ng P100,000 na tax credit ang mga establisyimento sa lungsod na libreng nagpatuloy sa mga medical frontliner noong kasagsagan ng enhanced community qurantine.

Maaring i-claim ang tax credit sa loob ng tatlong taon mula sa petsa ng pagkakapasa ng ordinansa.

Magugunitang nagpalabas ng Executive Order No. 17 si Moreno kung saan nanawagan ito sa mga establisyimento sa Maynila na bigyan ng disenteng matutulugan ang mga frontliner.