Ilang lalawigan sa Central at Southern Luzon uulanin sa susunod na mga oras
Makararanas ng pag-ulan sa susunod na mga oras ang ilang lalawigan sa Central at Southern Luzon.
Sa thunderstorm advisory na inilabas ng PAGASA alas 12:05 ng tanghali ng Biyernes, July 10 ang Zambales, Batangas, Tarlac at Quezon ay makararanas ng katamtaman hanggang sa malakas na buhos ng ulan.
Ganitong lagay na rin ng panahon ang nararanasan sa Maragondon at Magallanes sa Cavite.
Pinapayuhan ang mga residente sa mabababang lugar na maging maingat sa posibleng pagkakaroon ng flashflood.
Maari ding magdulot ng landslide sa mga bulubunduking lugar ang mararanasang malakas na buhos ng ulan.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.