Pulis, driver patay sa pagsabog sa Maguindanao
Patay ang isang pulis at isang civilian driver matapos masabugan ng bomba ang sinasakyan nilang police car sa Shariff Aguak, Maguindanao.
Ayon kay Police Colonel Arnold Santiago, nangyari ang pagsabog alas 8:30 ng gabi ng Huwebes, (July 9).
Tatlongdaang metro na lang ang layo ng sasakyan mula sa provincial police headquarters nang maganap ang pagsabog.
Maliban sa dalawang nasawi, apat pa ang nasugatan sa insidente.
Sinabi ni Santiago na hinihinalang mga miyembro ng Bangsamoro Islamic Freedom Fighters (BIFF) ang nasa likod ng pagsabog.
Posibleng ganti aniya ito sa pagkakapatay ng PNP sa isang teenaged sniper at trained bomber na pamangkin ni Kumander Bungos ng BIFF.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.