350 pa ng Pinoy galing Saudi Arabia dumating sa bansa

Dagdag na 350 pang Overseas Filipinos ang dumating sa bansa kahapon galing Saudi Arabia.

Lulan sila ng special flight ng Saudia Airlines ng dumating sa Ninoy Aquino International Airport ayon sa department of Foreign Affairs (DFA).

Kinuhanan ng swab samples ang mga umuwing Pinoy at mananatili sa quarantine facilities habang hinihintay ang resulta ng swab test.

Kung magne-negatibo ay agad silang pauuwin kahit wala pang 14 na araw sa quarantine.