Bumagsak ang Piper PA-34 Seneca private plane sa baybaying dagat ng Barangay Sinunuc.
Ayon sa ulat ng Inquirer Mindanao, ligtas naman ang apat na sakay ng eroplano matapos mabilis na makaresponde ang mga tauhan ng Philippine Coast Guard.
Lulan ng nasabing eroplano ang tatlong dayuhan at isang Pinoy.
Agad dinala sa CAAP Office sa Zamboanga City ang Indian na piloto ng eroplano at ang mga sakay nito na isang Pinoy, Indian at Nepali na pawang maayos naman ang kondisyon.
Sa inisyal na imbestigasyon, ang private plane ay umalis ng Zamboanga Airport at patungo sana ng Dumaguete City dakong alas 9:30 ng umaga ng Martes (July 7).
Ayon sa dayuhang piloto, nakaranas sila ng engine failure ilang minuto matapos ang take off.