17 Station personnel ng MRT-3 positibo sa COVID-19
Labingpitong station personnel ng MRT-3 ang nagpositibo sa COVID-19.
Dagdag ito sa halos 200 nang mga tauhan ng MRT-3 at service provider nitong Sumitomo na nauna nang nagpositibo sa sakit.
Ang 17 station personnel na nagpositibo sa COVID-19 ay kinabibilangan ng mga sumusunod:
5 – ticket seller sa Araneta Center – Cubao
4 – ticket seller sa North Avenue
1 – ticket seller sa GMA Kamuning
1 – ticket seller (reserve)
3 – train drivers
2 – control center personnel
1 – nurse sa Taft Avenue
Ang pagtaas ng bilang ng mga station personnel ng MRT-3 na tinamaan ng sakit ang nagbunsod para pansamantalang itigil ang operasyon nito.
Aminado naman ang MRT-3 na mahirap sa ngayon na magsagawa ng contact tracing sa mga pasaherong posibleng nakasalamuha ng mga station personnel.
Ayon kay MRT-3 Director for Operations Michael Capati, sa ngayon wala pa silang sistema o pamamaraan para sa contact tracing sa mga pasaherong posibleng nakasalamuha ng 17 station personnel.
Gagamitin aniya ng MRT-3 ang mga araw na naka-shutdown ang kanilang operasyon para bumuo ng sistema para sa contract tracing.
Una nang pinayuhan ng Department of Health (DOH) ang mga regular na pasahero ng MRT-3 na bantayan ang kanilang kalusugan at agad magpasuri kapag nakaranas ng sintomas.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.