Tatlong private emission testing center, sinuspinde ng DOTr
Sinuspinde ng Department of Transportation (DOTr) ang tatlong private emission testing centers.
Ayon sa kagawaran, sa pamamagitan ng Investigation Security and Law Enforcement Staff (ISLES), naglabas ng preliminary suspension order (Department Order 2016-017) dahil sa pamemeke ng emission test results.
Kabilang sa pinatawan ng suspensyon ang mga sumusunod:
– Visayas Emission Testing Center
N. Bacalso Ave., Cebu City
– 168 Emission Testing Center
Kaparangan, Orani, Bataan
– Baliuag Motor Vehicle Emission Testing & Car Care Center
714 Domingo St., Balic-balic, Sampaloc, Manila
Epektibo ang suspensyon sa loob ng 90 araw.
Babala ng DOTr sa mga IT Service Provider, posible silang mapatawan ng parusa kapag nagpatuloy sa pagproseso ng mga datos na galing sa mga suspendidong emission centers.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.