15 personnel ng FEO sinibak sa puwesto ng PNP dahil sa katiwalian
Pinatawan ng administrative relief ng PNP ang labing-limang personnel ng Firearms and Explosive Office (FEO) kabilang ang hepe nito dahil sa mga alegasyon ng katiwalian sa pag-iissue ng lisensya.
Kabilang sa mga inalis sa posisyon ay si FEO Chief CSupt. Elmo Francis Sarona na papalitan ni PSSupt. Cesar Binag.
Ayon kay PNP Chief Director General Ricardo Marquez, kailangan pansamantalang tanggalin sa puwesto ang 15 upang mapabilis ang imbestigasyon sa kaso.
Disyembre pa noong nakaraang taon nag-utos ng imbestigasyon si PNP Chief Marquez sa sinasabing iregularidad sa FEO.
Nag-ugat sa kaso ni dating Palupandan Mayor Magdalano Peña na umano’y nameke ng neuro-psychiatric exam para ma-isyuhan ng license to own and possess firearms (LTOPF) ang dahilan ng pagpapaimbestiga ni Marquez.
Base sa mga alegasyon sa pamamagitan ng text messages, naiisyuhan umano ng LTOPF kahit peke o kaya naman kulang ang mga pangunahing requirement tulad neuropsychiatric exam at iba pang supporting documents.
Dismayado naman si Marquez na minsang namuno din sa FEO sa alegasyon ng katiwalian dito.
Kasama rin daw sa iimbestigahan ng CIDG at Anti Cyber Crime Group o ACG ang mga naisyuhan ng LTOPF na may kulang o pekeng dokumento.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.