Pahayag ito ng Palasyo ng Malaknyang matapos ang puna ng netizen na mistulang may sakit si Pangulong Duterte nang humarap sa mga sundalo sa Zamboanga noong Biyernes.
Ayon kay Presidential Spokesman Harry Roque, naging emosyonal at matamlay ang pangulo nang kausapin ang mga pulis na sangkot sa pagpatay sa apat na sundalo sa Jolo.
Apektado aniya ang 0angulo dahil kagaya ng isang ama, malungkot na namatayan at nag-away away ang kanyang mga anak.
May mga pagkakataon pa aniya na basag ang boses ng pangulo dahil sa lungkot.
Wala aniyang kinalaman sa lagay ng kalusugan ng pangulo kundi emotional-related ang pagiging matamlay ng punong ehekutibo.
Nangako aniya ang pangulo na hahayaan ang National Bureau of Investigation na magsagawa ng imbestigasyon st mabigyan ng hustisya ang pagkamatay ng apat na sundalo.