Presyo ng gasolina at kerosene bababa ngayong linggo

Inanunsyo na ng mga kumpanya ng langis ang halaga ng ipatutupad nilang rollback sa presyo ng produktong petrolyo.

Sa abiso ng kumpanyang Shell, bababa ng 65 centavos ang halaga ng kada litro ng gasolina at 40 centavos ang bawas sa presyo ng kada litro ng kerosene.

Wala namang magiging paggalaw sa presyo ng diesel.

Ganito rin ang halaga ng price rollback ng Petro Gazz sa kanilang gasolina.

Epektibo ang bawas presyo ng Shell at Petro Gazz bukas, alas 6:00 ng umaga.

Ito ang unang rollback sa presyo ng produktong petrolyo matapos ang siyam na magkakasunod na linggong oil price hike.