MRT-3 balik-operasyon na ngayong araw matapos ang weekend rail replacement
Bibiyahe na muli ang MRT-3 ngayong araw matapos ang tigil-operasyon noong Sabado at Linggo para bigyang-daan ang rail replacement.
Pero dahil sa pagdami ng mga tauhan sa MRT-3 depot na tinamaan ng COVID-19 mas mababa na ang bilang ng mga tren na bibiyahe simula ngayong araw.
Ayon sa abiso ng DOTr MRT-3, 11 tren lamang ang bibiyahe kabilang na ang dalawang Dalian train sets.
Sa pagbubukas kaninang alas 5:00 ng umaga, pitong tren ng MRT-3 ang operationa at lima ang agad nai-deploy sa linya.
Mas maraming bus naman sa ilalim ng MRT-3 Bus Augmentation Program at EDSA Busway service ang ide-deploy para masakyan ng mga pasahero.
Ang mga susunod na weekend na titigil sa operasyon ang MRT para sa rail replacement ay sa August 8-9, August 21-23 at September 12-13.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.