BREAKING: Anti-terror bill nilagdaan na ni Pangulong Duterte bilang ganap na batas

Sa kabila ng mga protesta at pagtutol isa nang ganap na batas ang anti-terror bill.

Kinumpirma ni Presidential spokesman Harry Roque sa INQUIRER.net na nilagdaan na ni Pangulong Duterte ang anti-terror bill.

Ang anti-terror bill ay layong palakasin ang Human Security Act of 2007.

Sa ilalim ng batas, pinapayagang maipakulong ang mga suspek sa terorismo ng hanggang 24 na araw kahit wala pang naisasampang kaso.