Embahada ng Pilipinas Kuwait pansamantalang isinara; 1 empleyado nagpositibo sa COVID-19

Isang empleyado ng embahada ng Pilipinas sa Kuwait ang nagpositibo sa COVID-19.

Dahil dito, pansamantalang isinara muna ang embahada at wala munang tatanggapin na on-site na serbisyo.

Tatagal ang pagsasara sa loob ng dalawang linggo o hanggang sa July 16.

Kung mayroong naka-schedule na appointment mula July 2 hanggang 16 ay pinapayuhang hintayin ang tawag o mensahe mula sa embahada para sa re-scheduling.

Maari pa ring makipag-ugnayan sa embahada sa pamamagitan ng Facebook Page, Twitter Account, at hotline numbers.

Dona Dominguez-Cargullo