Agno, Pangasinan niyanig ng lindol

Niyanig ng magnitude 3.0 na lindol ang lalawigan ng Pangasinan.

Ayon sa Phivolcs, naitala ang pagyanig sa 73 kilometers southwest ng bayan ng Agno, alas-7:25 ng umaga ng Biyernes (July 3).

May lalim na 15 kilometers at tectonic ang origin ng mga pagyanig.

Wala namang naitalang intensities bunsod ng lindol.

Hindi rin ito inaasahang magdudulot ng pinsala at aftershocks.