Bongbong Marcos, nanguna sa VP survey sa Isabela at Cagayan
Nanguna si Vice Presidential Senator Ferdinand Bongbong Marcos sa ginawang pre-poll survey na pinangisawaan ng The Issues and Advocacy Center sa Cagayan at Isabela.
Ang IAC ay gumamit ng sampling size ng 800 respondents sa Cagayan at 1,200 sa Isabela mula sa mga registered voters na kwalipikadong bomoto sa eleksyon sa May 9. May margin of error na 2.5% ang naturang survey.
Ayon sa dalawang non-commissioned surveys na ginanap noong Feb. 15-20 sa Isabela at Feb. 15-18 naman sa Cayagan, malaki ang kalamangan ni Marcos sa mga kandidato bilang bise presidente.
Sa probinsya ng Isabela, si Marcos ang pinaboran ng kanyang mga kapwa Ilocano at nagtala ng 42.3.1%, si Sen. Francis “Chiz” Escudero ay nasa ikalawang pwesto na may 21.0%.
Nasa pangatlong puwesto si Bicol Rep. Leni Robredo na may 14.3% samantalang si Sen. Alan Peter Cayetano ay nakakuha ng 12.2%. Nasa huling pwesto sina Senator Gregorio “Gringo” Honasan na may 5% at Antonio “Sonny” Trillanes IV 4%.
Halos kapareho lamang ang lumabas sa survey na ginanap sa probinsya ng Cagayan kung saan muling naguna si Marcos na nagtala ng 43.2% o kalamangan 18.7% kay Escudero na nakakuha naman ng 24.5%.
Pangatlo si Robredo na may 12.0% at pang-apat si Cayetano na may 8.3%. Si Honasan ang nasa ika-limang pwesto matapos makakuha ng 5.0% at pang-anim si Trillanes na may 4.2%.
Si Marcos din ang nanguna sa mga kandidato bilang bise presidente sa katulad na survey sa Pangasinan na ginanap noong January 10-18, base sa may 1,500 residente ng probinsya.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.