Kaso ng COVID-19 sa Bicol, tumaas pa

Nakapagtala ng anim pang kaso ng COVID-19 sa Bicol region, ayon sa Department of Health Center for Health Development – Bicol.

Ayon sa DOH CHD-Bicol, ang mga bagong COVID-19 patient ay residente ng mga sumusunod na lugar:
– Legazpi City – 1
– Naga City – 3
– Pasacao, Camarines Sur – 2

Sinabi ng DOH CHD-Bicol na nakasailalim na ang pasyente sa quarantine facility.

Dahil dito, umabot na sa 130 ang kabuuang bilang ng tinamaan ng COVID-19 sa Bicol region.

Sa nasabing bilang, 46 ang aktibong kaso ng nakakahawang sakit.